July 30, 2022
Advertisement
Ka sorkar pyrdi ym pu em sangeh ko yei thmu wow tih ya u Uranium na ka jylla Meghalaya wei yeini da mih hawa jubab yong u Montri (Independent Charge) Ministry of Earth Sciences, u Dr. Jitendra Singh, hapoh ka yung dorbar ka Lok Sabha ha kani ka tayaw.
Hadien wa mih biang ka phang Uranium hapoh ka yung dorbar Parliament, neiliang ki seiñbhalang wa kynthup ya ka KSU wa ka FKJGP da phah ki ya ka kyrwoh wow pyrchah joor ya ini i thmu wa da slem yong ka sorkar India.
Hawa kylli ynne ka sngi, u Symbood Montri Rangbah ka jylla Meghalaya, u Prestone Tynsong da ong bait u wa ka sorkar jylla da kut yumut bait wym e laad u tih ya u Uranium, tangwa da ong u leh wa i mantre yei thaw da ki bru samen wei chong leh ha ki tre thaw, deiwa pynrap u wa lada ya krehlang ka sorkar wa ki tre thaw ym e laad wow tih ya u Uranium.
Advertisement
