Ka 29th Gold Cup Knockout Football Tournament 2023 wa pynman da ka Wapungskur Sports & Social Welfare Organisation (WSSWO) da poi ko cha wakut haka 17 tarik da ka yakhun Final hapyrdi ka Rymbai Shkenshynriah FC waka Ginius Pala FC.
Ka Rymbai Shkenshynriah da yoh ko yei naam jop da 2-0 kiwa man ki kool wa thap da u Joseph haka kylla miet.
Kam ka Champion, ka Rymbai Shkenshynriah da yoh ko yaka song poisa wa Rs. 5 lak, i ksiar chiteiñ tola deilang waka Trophy katwa ka Ginius Pala won da yoh ko Rs. 3 lak deilang waka Trophy.
U Joseph da yoh u leh yei naam Best Player katwa u Siwel Rymbai won da yoh u yei naam Best Goalkeeper kiwa waroh ar wa yalehke ka Rymbai Shkenshynriah.
Ya kani ka yakhun Final da wan wow sakhi da u MLA ka thaaiñ uwa man leh kam u Montri sorkar, u Kyrmen Shylla kam u kongsan, u Deputy CEM ka JHADC, u Lasky Rymbai kam u symbood kongsan deilang wa u Prakash Phawa.
Discussion about this post