Jop ka Saindur Mihmyntdu wa ka Iooksi ha ka 3rd Division, ka Luti Tuber ha ka 2nd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da le tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ka yalehke wa nyngkong ka 3^rd Division da kut ko da 1-1 hapyrdi ka Lumsliarsliar Mupliang wa Lumchyrmang Mihmyntdu. Ya ka Lumsliarsliar da thap da u Powerful Ryngkhlem ha ka minit wa 25 katwa ya ka Lumchyrmang Mihmyntdu da thap da u Wompher Chyrmang ha ka minit wa 51.

Ha ka yalehke wa ar, ka Saindur Mihmyntdu da jop ko ya ka Lion Social & Cultural SC da 1-0 lyngba ka kool wa thap u Wanlambha Pongrup ha ka minit wa 33.

Ha ka yalehke wa le, ka Youth Welfare Iooksi SC da jop ko ya ka Tpep-Pale da 2-1. Ya ka Youth Welfare Iooksi da thap da u Sammaia Sumer ha ka minit wa 6 wa 56 katwa ya ka Tpep-Pale da thap da u Nangtei Sumer (Own Goal) ha ka minit wa 70+1.

Related posts

3rd Division EJHDFA: Psiah Quarter Final ka Pyrtakuna wa ka Rymbai Pohskur

August 28, 2026

2nd Division TSA: Jop ka Mukhla, Goodwill wa ka Kremmyrsiang

August 28, 2026

Ha ka 2nd Division, ka Luti Tuber Social Welfare da jop ko ya ka Mukhla Umlangchor da 5-0 da ki kool wa thap u Kynsai War ha ka minit wa 46 wa 75, u Medaya Dhar ha ka minit wa 55, u Iohbhah War ha ka minit wa 77 wa u Wyrchar Dhar ha ka minit wa 80+1.