Ka Seiñraij Jowai hadien wa da pyndep ko ya ka Chaad Sukra ha ka 7 tarik deiwa sdang na Madan Ryngkaw Tpep Pale, kamjooh i Chaad Mih Yaaw wa da chimbynta da ki chnong ki Raij waphær waphær deilang jar jiar ki sur wa da chna ki kiwa yatoh wa ka bei rymaw kamjooh ka Ñiamtre, neitæ heipor miet won da pynman sa da ka yakob “Chaad Kpær Syntu” ha Madan Ryngkaw Tpep Pale heiwa da chimbynta da ki chijur wow pynyoo yei sap chaad.
Ha kani ka yakob Chaad Kpær Syntu da wan sakhi da kiwa boon ki khon ka Ñiamtre na ki Raij ki chnong waphær waphær, heiwa da e mynsiem ki leh ya kiwa chimbynta deiwa kbai kyriaw.
Napyrdi ki 9 tylli ki Dorbar Chnong wa Raij wa haap hapoh ka Seiñraij Jowai kiwa da chimbynta wa kynthup ya ka Panaliar, Seiñtyllilang Ñiamtre Ladthadlaboh, Loomkyrwiang, Iawmusiang, Seiñraij Shillong, Dulong, Loompyrdi Iongpiah, Loomiongkjam wa Chiliangraij da jied le jur kam kiwa jop.
Yei naam jop næ wa nyngkong da yoh da ka Seiñtyllilang Ñiamtre Ladthadlaboh, wa ar ka Seiñraij Shillong wa le won ka Loomiongkjam.
Discussion about this post