Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex da ka yalehke wa khynde kani ka lympung yalehbol.
Ha ka yalehke wa da pynman, ka Sohphoh da jop ko ya ka Golden Lion FC da 5-2, heiwa ya ka Sohphoh da yoh thap da u Sumar Suting ha ka minit 7 wa 22, u Welson Suting ha ka minit wa 55, u Risuk Suting ha ka minit wa 74 wa Lovingstar Suting ha ka minit wa 80+3 katwa ya ka Golden Lion da yoh thap da u Thrangdor Swer ha ka minit wa 9 wa u Tenligent Dkhar ha ka minit wa 44.
Yei naam Man of the Match da yoh rah da uwa yalehke ka Sohphoh, u Sumar Suting.
Ka yalehke wa bood u pynman ha kani ka 30 tarik hapyrdi ka Nongdawah SC wa Najan Hi FC heipor 2:30 i sngi.
Discussion about this post