U MP ka jylla cha Rajya Sabha, u Dr. WR Kharlukhi da thoh u cha u CM wow thung da ka takit wa laitlooid hajrong i pynbaad pyrchah ya ka MPSC, wei da kyntu u leh wow pyndep hapoh chi bnai.
Hawa klam ynne ka sngi, da ong u wa ka Supreme Court da pynmih hukum ko wa 87.5 ki Marks ha ki Civil Service Exam toh u man na ka Written Test wa 12.5 ki Marks u wan lyngba ka Personal Interview.
Da ong u wa da leh yeini neidaw wa em i leh buit tooh ha Assam Public Service Commission (APSC), heiwa u Chairman ka Assam Public Service Commission dang em u hapoh patok hadooh kattæ, wei lada lai katkam ka rai ka Supreme Court ym em wa nood wow leh buit tooh.
Hawa pynsñiaw yei sñiawkhia yeiwa chah pynbaad lang ki dkhot ka MPSC, u MP da ong u wa ka kurim yong oo leh toh ka dkhot hapoh ka MPSC, ka Corina Lyngdoh wei da sñiaw ktah u lada wa mih kam ini i pynbaad, wei kyntu u leh ya kiwa pynbaad wow kdaw bait ya kitæ kiwa leh ym deiwa pynbaad lut kat ya kiwa em.
Chooh chooh u Dr. Kharlukhi da ong u wa katkam wa tip ym em iwon iwon i leh thok tangwa lada em kiwa leh toh u poi chong patok. Da ong u leh wa lada ka takit chem ko wa ka kurim yong oo emkti ko u leh thok wow pynpsiah kaam lyngba ka MPSC, u hiar chuki noh u kam u MP hapoh chi sngi.
Discussion about this post