Ka Chief Minister’s U-12 (Boys/Girls) Open Football Tournament 2023 kawa da yabhah ha ki District ka jylla deiwa pyndep chwa ha ki kyrdan ki Block. Hapoh West Jaiñtia Hills hadien wa pyndep ya ki yalehke ka Amlarem Block, ynne won da pyndep sa ha ka Laskein Block.
Ha ki kynthai da pynman ya ka Final hapyrdi ka St. Dominic HS School waka Winter Adventist Secondary School, Mowkaiaw heiwa ka St. Dominic da jop ko da 4-0.
Ha ki chynrang won, ka Laskein Social Cultural & Sports Club da jop ko ya ka St. Dominic HS School da 3-0 deiwa yachut Tie-Breaker.
Ya kini ki yakhun Final da wan wow sakhi da u Bisonroy Iano, President Laskein Block Area Sports Association kam u kongsan deiwa emlang u DSO ka West Jaiñtia Hills, u K. Passh, u Rangbah Suchiang, Headmaster ka Laskein Govt. LP School, u Khianmon Lamare, Teacher In-charge ka Winter Adventist Secondary School, Mowkaiaw wa u Phriwel Lyngdoh, Teacher In-charge ka St. Dominic HS School, Mowkyndeng.
