Jowai : Ka tayaw kynmoo ya ka aiñ RTI ynne ka sngi da pynkut ya da ka yakop leh droma namo ka “Skit Competition” kawa pynman ha District Library Auditorium da ka ophis u DC ka West Jaiñtia Hills hei krehlang wa ka Meghalaya Administrative Training Institute (MATI).
Ha kani ka yakop da wan du le tylli ki dhab wa wan chimbynta kiwa kynthup ya ka St. Mary Mazzarello HS School Jowai, H.K. Singh Memorial School wa ka Thomas Jones Synod College.
Katkam wa pyntip u B.J. Kharshandi, EAC da ong u wa da dep phah kot cha waroh ki skur tangwa neidaw wa boon pynkhreh exam ki ym yoh por ki u wan chimbynta.
Ka Thomas Jones wa ka H.K. Singh pyn ar da e ki ka droma wa yatoh yei dooh kaam ki khynnah kynroo khyllood tangwa deiwa pynemkaam ki da ka RTI da yoh ki yei hok yong ki.
Ka St. Mary won da leh droma ki yeiwa duna i tip kiwa boon wa sah cha nongkyndong ya ka RTI kamjooh yei rukom krehkaam ko.
Ha wa kut kiwa bichaar da jied ki ya ka St. Mary Mazarello kam ka wa jop pynbood sa ka Thomas Jones wa ka H.K. Singh.
Discussion about this post