Shillong: Ka BJP ynne ka sngi da pynbna ko wa daw pynyieñ ko 6 ngut ki kyrtong ki wow yakhun ya ki By-Elections yong ka KHADC tangwa ha ka JHADC ym pynyieñ ko.
Ka BJP ong ko wa hadien wa da bichaar bha ko yei krehkaam ka District Council hapoh ka jylla da chem ko wa ym em ye ki u yada yei hok ki tre ri yong ka jylla.
Da ong chooh chooh leh kiwa boon ki sorkar wa da lai ym em kyrchaan ki ya ki District Council yow ye sakhiat ki u krehkaam katkam wa da pynkit bor ha ki hadooh wa mih i yaknieh boor ha pyrdi ka sorkar jylla wa ki District Council.
Ka Para 14. Sub Para 3 yong ka Sixth Schedule da pynche ko kdar wa ka District Council Affairs Department toh ka wow pait yei lai bait kamjooh wow kyrchaan yei krehkaam ki District Council tangwa ym em leh ki yeini.
Ha kini ki nongrim ka BJP da rai ko wow yakhun election ha kani ka kynti yow pynim pynembor ya ki District Council neibhah ka BJP yein ko neibynta waroh ki jaitbru wa em hapoh ka ri.
Ki kyrtong wow yaleh ha kani ka By-Election man ki kamni ha wah:
1. U Hubert Marbaniang (Laban-Mawprem Constituency)
2. Ka Mamiry Nongkhlaw (Nongkrem Constituency)
3. U Kyntiewlang Syiemlieh (Nongspung-Sohiong Constituency)
4. U Councellor Singh Wahlang (Nongkhlaw-Mairang Constituency)
5. U Thandarsing Warjri (Pariong-Mawthadraishan Constituency)
6. U Denestar Pariong (Rambrai-Jyrngam Constituency)
Discussion about this post