Ha ki yalehke ka 1st Mowkaiaw Constituency Premier League Cricket Tournament 2021 ynnin ka 6 tarik, ka Indian da yachem ko waka Sunrise. Ka Indian da kamai ko 94 Run deiwa haap waroh 10 Wicket na ki 20 Over, heiwa u Walam Tang da kamai u 19 Run na 11 bol wa u Ardakirang Rymbai 16 Run na 15 bol. Katwa kiwa khur Wicket naka Sunrise toh u Mon Wet 4/16 na 4 Over wa u Lucky Lapasam 2/14 Run na 4 Over.
Ka Sunrise da jop ko da 6 Wicket na ka 10 Over yaka Indian heiwa kiwa kamai Run yaka Sunrise toh u Hapmon Lyngdoh 51 Not out na 37 bol, bood sa u Buhti Shadap 15 Run na 8 bol. Kiwa yoh pynhaap Wicket naka Indian toh u Wanpoi Lyngdoh 2/29 naka 4 Over.
Ha ka yalehke wa ar, ka Royal Challenger da yachem ko yaka KingXI. Ka Royal Challenger da Bat nyngkong ko wei da kamai ko 157/9 na ki 20 Over. Kiwa kamai Run toh u Medon Lapasam uwa yoh 34 Run na 21 bol, bood sa u Sandabiang Lathong 30 Run na 31 bol. Kiwa yoh Wicket naka KingXI toh u Man Sungoh 3/35 Run na 4 Over, bood sa u Kitkupar Tang 2/26 na 4 Over wa u Lucky Tang 2/33 Run na ki 4 Over.
Ka KingXI da jop ko yaka Royal Challenger da 2 Wicket na ki 18 Over. Uwa kamai Run yaka KingXI toh u Eleazer C Dkhar uwa yoh 77 Run na 49 bol wa u Kitkupar Tang 27 Run na 16 bol. Kiwa yoh khur Wicket naka Royal Challenger toh u Toodansoon Rymbai 2/24 na ka 4 Over.
Yei naam Man of the Match naka Sunrise da yoh rah da u Hapmon Lyngdoh (51 Not Out) katwa naka King XI da yoh rah da u Eleazer C Dkhar (77 Run).
