Jop ka Sutnga ya ka Umkiang ha ka sngi sdang ka Super Division ka EJHDFA

Jowai: Ka East Jaiñtia Hills District Football Association (EJHDFA) ynne ka sngi da sdang ko ya ka kyrdan Super Division yong ka da ka yalehke hapyrdi ka Sutnga SSCC pyrchah ya ka Umkiang SA.

Ha kani ka yalehke ka Sutnga da yoh ko yei jop da ka kool wa thap da u Rilang Malang ha ka minit wa 16.

Ka yalehke man ko kawa yoosuk wa yakhaid bha kwa pynhun mynsien ya kiwa kyrchaan pyn-arliang.

Ya kani ka lympung da wan wai pyrda ya ka da u SS Syiemlieh, ADC ka East Jaintia Hills District wa man leh kamjooh u President ka EJHDFA deilang wa kiwa kitkaam ka seiñ.