Ka 5th Kyrmen Shylla Contribution Trophy kawa man leh ka Super Division ka East Jaintia Hills District Football Association (EJHDFA) da pteiñ ka ynne da ar tylli ki yalehke.
Ha ka yalehke wa nyngkong, ka Thangskai Tiger SC da jop ko da 4-2 ya ka Dhana CSC.
Ya ka Thangskai da thap da u Pynthymme Rymbai ha ka minit wa 5 wa 27 (P), u Suting Syrti ha ka minit wa 45+4 wa u Solomon Sympli ha ka minit wa 62 katwa ya ka Dhana da thap da u Apphira Sumer ha ka minit wa 54(P) wa u Micheal Siangshai ha ka minit wa 90.
Ha ka yalehke wa ar, ka Rymbai Shkenshynriah SC da jop ko ya ka Chiehruphi YWSC da 3-0 da ki kool wa thap u Rakesh Pradhan ha ka minit wa 5, u Ribiang Dkhar ha ka minit wa 90 wa u Goldenson Japui ha ka minit wa 90+2.
Discussion about this post