Ka yung krehkaam ka District Hub for Empowerment of Women, East Jaiñtia Hills District ynnin da pynman ko ya ka ‘District-Level Inter-School Quiz and Extempore Speech Competition for Girl Students’ kam chibynta ka ‘International Day of the Girl Child’ ha Jaintia Eastern College (JEC), Khliehriat.
Ya ini waroh da pynman kam chibynta ka Beti Bachao Beti Padhao (BBBP) kawa em yei thong wow pynku yei puræ puthi ki khynnah kynthai, u e ya ki ka jooh ka laad ka kabu hawa heh wa san kamjooh ka rynsan yow pynyoo ki yei sap i phong ki.
Ha ka Extempore Speech Competition, ka Tumpa Nath na Ambrose Memorial Secondary School, Khliehriat, da yoh nyngkong ko wei da pynbood sa ka Mahek Asani na Little Star Secondary School, Ladrymbai wa ka Shriya Rani Das na Oxford Secondary School, Ladrymbai kiwa da yoh wa ar, katwa hei wa le da yoh ka Therimi Sumer na Don Bosco College, Byndihati.
Ha ka Quiz Competition da jop ka Little Star Secondary School, Ladrymbai, hei wa ar da yoh ka Morning Glory Secondary School, Ladrymbai katwa hei wa le da yoh ka Ambrose Memorial Secondary School, Khliehriat.
Discussion about this post