Ka 1st Open to All Veteran Football Tournament 2023 wa pynman da ka East Jaiñtia Hills District Football Association (EJHDFA) da poi ko cha ka sngi wa soo deiwa pynman ar tylli ki yalehke.
Ha ka yalehke wa nyngkong ka Tyllilang VFT da jop ko da 3-1 yaka Nongthymme SC.
Ya ka Tyllilang da thap kool da u Mebirthroy Nongrum haka minit wa 12, u Pyrkhatlang Masharing haka minit wa 46 wa u Synjuplang Marpan haka minit wa 75 katwa yaka Nongthymme da thap kool da u Khrehsuk Lapasam haka minit wa 21.
Ha ka yalehke wa ar, ka West Jaiñtia Police da jop ko da 4-1 yaka OIG FC.
Ya ka West Jaiñtia Police da thap kool da u V.D. Sangahinet Rymbai haka minit wa 11 wa 69 wa u Ram Dkhar haka minit wa 37 wa 56 katwa ya ka OIG da thap da u Balumlang Lyngdoh haka minit wa 63.
Ka yalehke wa bood u pteiñ ha ka 6 tarik hapyrdi ka Ar Dolloi FT waka Khliehriat East VFT heipor 11:00 waje i step wei daw pynbood da ka 12 Dolloi FT waka Rymbai Shahkhain SC heipor 1:00 waje i sngi.
Discussion about this post