Ki yalehke ka Thadlaskeiñ Sport Association (TSA) da pteiñ ki ynne da ar tylli ki yalehke 2nd Division wa kawi ka Super Division.
Ha ka yalehke wa nyngkong ka 2nd Division, ka Tympang da jop ko ya ka Myngkrem da 2-1. Ya ka Tympang da thap da u Rimiki Phawa ha ka minit wa 8 wa u Damehi Lakiang ha ka minit wa 39 katwa ya ka Myngkrem da thap u Dalamsarki Lapasam ha ka minit wa 19.
Ha ka yalehke wa ar, ka Maya SC da jop ko ya ka Pdienlum da 5-0 kiwa thap da u Preshan Supuh ha ka minit wa 24 wa 44, u Pormi Pale ha ka minit wa 47, u Shaimi Phawa ha ka minit wa 50 wa u Iaidmi Pale ha ka minit wa 67.
Ha ka Super Division won, ka Mukhla Raij da jop ko ya ka Nongkhroh Krem Kum da 3-0 kiwa thap da u Chandame Suna ha ka minit wa 28, u Player Suna ha ka minit wa 80 wa u Banlam Mawlong ha ka minit wa 87.
Ki yalehke mynstep:
2nd Division
United FC Ummulong Vrs Mupliang RC Club (10AM)
Madur Vrs Ryntih Mynsngat (12PM)
Super Division
Wahiajer Vrs Pohskur Phyllong Iingkhaw (3PM)
Discussion about this post