Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi kiwa man leh kam ki yalehke ka Second Round.
Ha ka yalehke wa nyngkong, ka Tympang Wahiajer da jop ko yaka Ummulong SSCC da 5-4 deiwa yachut Tie-Breaker hadien wa kut ka yalehke da 0-0.
ADVERTISEMENT
Ha ka yalehke wa ar, ka Khliehtyrshi United da jop ko yaka Mynkrem United da 1-0 da ka kool wa thap da u Hoping Shylla haka minit wa 37.
Ha ka yalehke wa le, ka Lumphyrnai Sohphoh da jop ko yaka Tyrchang SC da 4-3 deiwa yachut Tie-Breaker hadien wa kut ka yalehke da 0-0.
Discussion about this post