Ka lympung District Cricket League 2024 wa da pynlai da ka West Jaiñtia Hills District Cricket Association ha Khliehtyrshi Mini Stadium, ynne da pynman yaka Semi Final wa nyngkong hapyrdi ka Ummulong Cricket Club waka Phramer Cricket Club.
Yaka kylla-khlem da jop da ka Ummulong heiwa da jied ko u Bat nyngkong wei da lai ko wow kamai 326 Run na ki 35 Over deiwa dooh 6 Wicket. Kiwa rap Bat bha na ki toh u Sylvester Mylliempdah uwa yoh 88 Run na ki 63 bol wa u Chongtre I Man Lamare uwa yoh 45 Run na ki 30 bol katwa neiliang ka Phramer kiwa lehbha da ka bol toh u Deimiki Rabon uwa yoh 2 Wicket na ki 7 Over.
Hawa kdong yaka thong, ka Phramer da ye ko wow yoh 96 Run donhi na ki 19 Over deiwa dooh waroh ki Wicket. Kiwa rap ye u kamai toh u Pyrkhat Sari uwa yoh 38 Run na ki 37 bol, katwa neiliang ka Ummulong uwa lehbha da ka bol toh u Pynskhem Phawa uwa yoh 4 Wicket na ki 3 Over.
Kamtæ ka Ummulong Cricket Club da jop ko da 230 Run yow psiah Final.
Ya i naam Man of the Match da yoh da u Sylvester Mylliempdah yong ka Ummulong Cricket Club.
Mynstep ka yakhun Semi Final wa ar u man ko hapyrdi ka Mupliang Cricket Club waka Efty United XI Mynso.
Discussion about this post