Ka Ummulong SC da jop ko ya ka Wahiajer SC da 37 Run ha ka yalehke wa nyngkong ka District Cricket League 2026 wa pynlai da ka West Jaiñtia Hills District Cricket Association ynne ka sngi.
Ya ka kylla-khlem da jop da ka Ummulong kawa da jied wow Bat nyngkong wei da kamai ko 218 Run na ki 35 Over deiwa haap 6 Wicket.
U Welmanson Passah (C) da lehbha u deiwa dat 48 Run na ki 27 bol wa kynthup ya 4 tylli ki 6 Run wa 2 tylli ki 4 Run. U Langmi Bamon won da kamai u 31 Run khlem haap na ki 59 bol wa kynthup ya 3 tylli ki 4 Run, u Sylvester Mylliempdah da kamai u 29 Run na ki 36 bol deiwa dat leh 3 tylli ki 4 Run, katwa u Heimonlang Lyngdoh da yoh u 28 Run khlem haap na ki 23 bol wa kynthup ya 5 tylli ki 4 Run.
Na kiwa kawang bol ka Wahiajer, u Wanjop Suja wa u Heimon Dkhar (C) da yoh ki u pynhaap mar 2 Wicket samen.
Ka Wahiajer hawa beh ya ka thong da ye ko kamai du 181 Run deiwa haap lut waroh ki Wicket ha ki 32.4 Over. U Kitboklang Shylla da man u uwa kamai boon Run deiwa yoh 58 Run na ki 67 bol deilang wa 6 tylli ki 4 Run. U Emmi Talang won da kamai u 24 Run na ki 15 bol wa kynthup kawi ka 6 Run wa 4 tylli ki 4 Run. U M. Nelson Lamare uwa kawang bol yong ka Ummulong da yoh u pynhaap 4 Wicket na ki 7 Over.
Yei naam Man of the Match da yoh rah da u Welmanson Passah uwa yalehke ka Ummulong uwa kamai boon Run wei yoh pynhaap chi Wicket.
Ka yalehke haka 24 tarik toh hapyrdi ka Goodwill Mupliang SC pyrchah ya ka Tympang CC hei por 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches
Discussion about this post