Ka Ummulong waka 4-Mowkaiaw United, da khur ki yei naam jop ha ka lympung yalehke T20 Open to All Cricket Tournament wa da pynlai daka All Jaintia Cricket Association ha madan Jrisaleiñ, Jowai ynne ka sngi.
Ha ka yakhun wa nyngkong, da pynman hapyrdi ka Ummulong wa ka Lion Sports & Youth Affair heipor 9:30 i step, ka Ummulong da ye ko u pynrem yaka Lion Sports & Youth Affair da 155 Run. Ha kani ka yalehke ya ka kylla khlem da jop da ka Ummulong wei da jied ko wow Bat nyngkong heiwa da kamai ko 228 Run na ki 18 Over wei da dooh ko 4 Wicket. U Rejoice Gassah da kamai u hadooh 90 Run (10×4 wa 7×6), u Carefully Lamare won da ye u kamai 70 Run (8×4 wa 5×6) khlem haap hadoooh wa kut. U L. Dauni Laloo yong ka Lion Sports & Youth Affair da yoh u 3 Wicket na ki 4 Over.
Ka Lion Sports & Youth Affair hawa beh yaka thong da ye ko u kamai du 73 Run na ki 15.1 Over deiwa dooh lut ya ki Wicket wei uwa kamai boon Run dooh toh u L. Dauni Laloo uwa yoh 11 Run katwa u Macdonlad Lamare yong ka Ummulong da yoh u pynhaap 3 Wicket na ki 4 Over.
Ka yakhun wa bood da pynman hapyrdi ka 4-Mowkaiaw United wa ka Khimusniang, heiwa ka 4-Mowkaiaw United da jop ko yaka Khimusniang da 45 Run. Ya ka kylla khlem da jop da ka 4-Mowkaiaw United kawa da jied wow Bat nyngkong heiwa da kamai ko 145/7 na ki 20 Over. U Kitbor Lyngdoh da kamai u 37 Run (3×4 wa 3×6), u Ardakirang Rymbai won da yoh u 35 Run (6×4 wa 1×6), katwa u Richard Patwet yong ka Khimusniang da pynhaap u 2 Wicket na ki 4 Over. Ka Khimusniang hawa beh ya ka thong da ye ko u kamai 100/10 na ki 19.1 Over. U Marardameki Patwet wa u Nibiangmon Sutnga da kamai ki mar 22 Run samen. U Yoodansoon Rymbai yong ka 4-Mowkaiaw United da khur u 4 Wicket na ki 4 Over, u Balambha Shadap won da yoh khur u 3 Wicket na ki 4 Over.
Mynstep ka 16 tarik, heipor 9:00 waje i step daw pynman hapyrdi ka Umshangiar wa ka Chutwakhu, katwa ka yakhun wa bood u pynman hapyrdi ka Hills United Cricket Club pyrchah yaka Moodymmai.
