Jowai: Ka 1st T20 Cricket (Tennis ball) Tournament 2018 wa pyllai da ka Chiruplang Sports & Socio-Cultural Club Jowai, ynne ka sngi ha madan ka Kiang Nangbah Government College Jowai, da pteiñ ya ki yalehke Quarter Final heiwa ynne ka sngi ka War United da yachem ko waka Police Reserve heiwa ka War United da jop ko.
Ka War United da Bat nyngkong ko wei da kamai ko 153 Run na ki 20 Over deiwa dooh 5 tylli ki Wicket.
Kiwa Bat ka War United kiwa da leh bha toh u Suresh Chetri uwa yoh 60 Run wa u Kenny Wan uwa yoh 47 Run.
Ki Bowler ka Police Reserve kiwa da leh bha toh u Deep Das uwa pynhaap chi Wicket wei da e u 25 Run na ki 4 Over wa u RK Singh uwa yoh chi Wicket na ki 4 Over wei da pynhaap u chi Wicket.
Ka Police Reserve hawa kdong ko ya ka thong da yoh ko 117 Run deiwa haap lut waroh ki Wicket naka 18.5 Over.
Kiwa Bat ka Police Reserve kiwa da kamai boon Run toh u Careful Gassah uwa yoh 39 Run wa u Deep Das uwa yoh 19 Run.
Ki Bowler ka War United kiwa yoh u pynhaap boon Wicket toh u Kenny Wan uwa da yoh 4 Wicket na ki 4 Over wei da e u 18 Run wa u Manbha Tariang uwa da yoh 3 Wicket na ki 3.5 Over wei da e u 20 Run.
Discussion about this post