Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet da ar tylli ki yalehke ha madan Basketball wa em ha madan Jrisaleiñ.
Ha ka yalehke wa nyngkong, ka Young Brothers FC da jop ko yaka East Block FC da 6-0.
Ya ki kool ka Young Brothers da thap da u Alfred Dkhar haka minit wa 6, u Chanmi Phawa haka minit wa 18, u Majestic Rymbai haka minit wa 19 wa 28 wa u Dawankynsai Chrmang haka minit wa 45 wa 48.
Ha ka yalehke wa ar, ka Nangsan Saphi FC da jop ko yaka Spartan FC da 3-1.
Ya ka Nangsan Saphi da thap kool da u Benison Shylla haka minit wa 18, u Helpme Lyngdoh haka minit wa 34 wa u Dauruhi Shylla haka minit wa 50 katwa ya ka Spartan FC da thap da u Raymond Lyngdoh haka minit wa 43.
Ki yalehke mynstep u pteiñ biang ar tylli da ka Pra i Cheini FC waka Raider Squad FC heipor 6:00 waje i miet wei daw pynbood da ka Dongmihsngi Junior waka Kaikhlaw FC heipor 7:00 waje.
Discussion about this post