theme-sticky-logo-alt
theme-logo-alt
Advertisement ad1
Advertisement ad1

Jop kawa na West Jaiñtia Hills ya ka yakob State Level Declamation Contest

Ka Nehru Yuva Kendra Sangathan, Meghalaya da pynman ko ya ka yakob State Level Declamation Contest hajrong ka phang “Patriotism and Nation Building” kam chibynta i lehkmen ya ka Republic Day 2022 ha Meghalaya Bharat Scouts & Guides, Conference Hall ynne ka sngi.

Na ki 7 tylli ki NYK District da chimbynta da ki 4 tylli ki NYK District ha kani ka yakob kitæ kiwa na East Khasi Hills wa mihkhmat da ka Ibakordor Khriemmujat, na West Khasi Hills da mihkhmat da ka Suzane L.Nonglait, na West Jaiñtia Hills da mihkhmat ka Lakyntiewshisha Tang katwa na Ri-Bhoi da mihkhmat ka Melita Maring.

Waroh kiwa chimbynta da e ki ya ki klam wa sñiawsuk hajrong ka phang maya ri wei wow tei ya ka ri iwa da bichaar da ki 3 ngut ki bru wa chemphang na ki chnat waphær waphær. Ya kawa jop daw mihkhmat ko ya ka jylla ha ka National Level Declamation Contest kawa daw pynman ha uni hi u bnai chwa ka Republic Day.

Kiwa jop ynne ka sngi man ki kamni ha wah:

Ka Lakyntiewshisha Tang na West Jaiñtia Hills da yoh nyngkong ko, ka Ibakordor Khriemmujat na East Khasi Hills da yoh wa ar ko katwa ka Melita Maring kawa na Ri-Bhoi da yoh wa le ko.

Share this:
Previous

Daw pynjoor ka sorkar yei Test COVID-19, daw hap chong kset 7 sngi lada chah ktah

Next

Nadooh ka 15 tarik ki wym pu yoh tika ym chah u psiah ki cha ki thaw paidbah ha Assam