Shillong: Ka yakob chong dur wa ka khon kynthai kawa tip leh kam ka Selfie With Daughter toh kawa da pynman hapoh ka ri India wei da sdang ya ka da u Sunil Jaglani ha ka 9 Naiynru 2017 lyngba ka App kawa tip kam ka Selfie With Daughter.
Yani ka yakob da yoh yaroh ko leh wot na u montri rangbah dooh ka ri u Narendra Modi.
Da pynman hadooh le tylli ki International Documentary hajrong kani ka yakob heiwa da e hadooh palat 27,000 tylli ki selfie wa da phah ha ka website wei da chah jied le tylli ki dur kam ki Best Selfies na waroh kawi ka ri.
Kawi na kini ki selfie wa da jop toh kawa na jylla Meghalaya heiwa u President warim ka ri, u Pranab Mukherjee da e khusnaam u ha yung sah yong oo iwa em ha sorbah New Delhi cha kiwa jop ha kani ka yakob.
Ini i dur na Meghalaya toh i yong u Hitesh wa ka Nikita Jhunjhunwala chirup wa ka khon yong ki ka Yadvi kiwa chong wa sah ha Shillong.
Discussion about this post