15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman yalang u Conrad yow yaleh pyrchah yei kjut Japanese Encephalitis, 17 ngut kiwa da yoh kjut

0 Comments
Advertisement ad1
Advertisement ad1
Advertisement ad1

Tura: Hadien wa sdang poor i kjut Japanese Encephalitis (JE) ha West Garo Hills District, u montri rangbah ka jylla u, Conrad K Sangma da pynman u yaka yalang kawa emlang Secretary ka Health, ki sahep ka Health, JE Specialist deilang wa ki bor District, ka Tura Municipal Board, ka Veterinary Department ha DRDA Hall, Tura yow yaklam yei man i long kani ka kaam yow chim yaki laad ki luti wow pynsangeh yei poor ini i kjut. Ha kani ka yalang da emlang leh ki kiwa mih khmat ki dong ka Tura, ki dkhot ka Nokma Council wa kiwi kiwi.

U Conrad Sangma ha kani ka yalang da ap u ya iwa da leh wow yada na kani ka kjut da ki chnat sorkar wa toh u pait ya kani ka kaam. Da pyntip ki wa wa i kjut JE hapoh ka District da em 17 ngut kiwa yoh ki ha u snem 2016, 5 ngut kiwa yoh JE wei da khlaad iwi ha u snem 2017, 29 ngut kiwa yoh JE wei da khlaad 4 ngut ha u 2018 wei 17 ngut kiwa yoh ya ini i kjut ha uni u snem 2019 wei da khlaad iwi hadooh u Naiynru (June) heiwa 10 ngut kiwa yoh ya ini i kjut toh kiwa napoh sor, kamtæ neilang u montri rangbah da ong u wa toh u pyntikna wa ini i kjut ym mih de i neini cha khmat.

Advertisement ad1

Da ong u wa emkaam wow pynman ya ki pynsñiawthooh paidbah iyi wow leh wa kiwi wym hoi u leh yow lait na ini i kjut JE wei kamjooh wow siat dawai ha ki thaw wa ye ini i kjut wow mih. Da kdaw u leh yei kylla ka rymaw katni wei kam kini ki kjut ye ki u mih chooh chooh kamtæ i pynsñiawthooh paidbah man i iwa emkaam bha khamtam wow pynduna yei boon mait wei wow pynwiar ya ki thaw wa ki mait sñiawsuk ki u chong wow roi, u pynchlur wow pynemkaam yaki musari, ki dawai mait wa kiwi kiwi. Da kular u leh ya ki paidbah kani ka thaaiñ wa ka sorkar u leh ko katwa ye wei emkaam lang leh i kreh lang ki paidbah.

Neiliang u West Garo Hills Deputy Commissioner, u Ram Singh won da pyntip u cha ki paidbah wa ym toh u syier mynsien ki wei lada suba wa em kiwon kiwon kiwa yoh ya ini i kjut wow li booh ki wut wut cha ki thaw sumaar wei da phah u leh yaka Municipal wow li chim noh ya waroh ki sniang wa ri hapoh u pood u ang ka Municipal tangwa dang em ki bru wa kiwa ym chah u chim ya ki sniang wa ki masi wei daw phah da ki pulit deiwa kyrpaad leh ya ki paidbah wow ya krehlang lang ki.

I kjut Japanese Encephalitis (JE) toh i kjut wa poor wa mih na u khniang Japanese Encephalitis (B) Virus uwa em ha ki sim kamtam kiwa im cha um wei manda poor u cha ki mrad kam ki sniang wa ki masi da rah won cha ki bru da u mait (Culex Mosquito). I poor cha ki bru toh du na i dait mait wei ym toh na uwi u bru cha uwi u bru.

Share this:
Previous

Jop ki chijur na jylla ha ka yakob Selfie With Daughter

Next

Lai sylli u Banteidor ya ki madan yalehke wei wow phyllu yumut wa ki warep