Ka Efty United XI Mynso da jop ko da 237 Run ya ka Friends United XI ynne ka sngi ha ka yakhun Semi Final wa nyngkong ka Open to All Cricket Tournament 2023 wa pynman da ka West Jaiñtia Hills District Cricket Association Jowai ha Khliehtyrshi Mini Stadium.
Ya ka kylla khlem da jop da ka Efty United XI Mynso heiwa da jied ko u Bat nyngkong wei da ye ko u kamai 278 Run na ki 34 Over heiwa da dooh ko ya waroh ki Wicket deiwa kamai spah Run u Sanvert Kurkalang uwa da yoh 117 Run na 77 bol wa u Damien Shullai 43 Run na 60 bol. Na kiwa kawang bol ka Friends United kiwa da yoh Wicket toh u Puraki Shadap Passah 3 Wicket na ki 6 Over wa u Marshall Pariat 3 Wicket na ki 7 Over.
Hawa kdong yei thong, ka Friends United XI da ye ko wow kamai du 41 Run donhi deiwa dooh lut ya ki Wicket ha ka Over wa 5 wei da kamai boon dooh u Deimiki Rabon 11 Run na 16 bol, katwa neiliang ka Efty won kiwa kawang bol da lehbha u Sanvert Kurkalang uwa da yoh 4 Wicket na ki 5 Over wa u Eleazer C. Dkhar won 4 Wicket na 6 Over.
Yei naam Man of the Match da yoh da u Sanvert Kurkalang yong ka Efty United XI Mynso.
Ka Semifinal wa ar u man ko mynstep ka 2 tarik hapydi ka Lion Sports Youth Affairs pyrchah ya ka Moodymmai Cricket Club.
