Ka Open To All 18 Above Football League Knockout Tournament wa pynman da ka West Jaiñtia District Sports Association (WJDSA) kawa da sdang ynnin ka sngi, da pteiñ ya ka da ka yalehke hapyrdi ka Lumkyrwiang SC pyrchah ya ka Lutituber Ialong SC.
Ha kani ka yalehke ynne ka sngi, ka Luti Tuber da jop suk ko da 6-0 heiwa le kool da wan na u Midaia Dhar.
Ya ki kool da thap da u Phrang Dhar (6 min), u Midaia Dhar (20, 44 wa 71 min), u Balajied Dhar (56 min) wa u Francis Pale (81 min).
Mynstep ka 10 tarik, ka Mulang Ialong daw yachem ko waka Kseh Sylle Ialong.
