Shillong: Ka Meghalaya da jop suk ko yaka Mizoram haka sngi wa le ka yalehke ka Ranji Trophy wa pynman ha Kolkata ynne ka sngi.
Uwa kawang bol ka Meghalaya u Aditya Singhania da yoh u 10 Wicket heiwa 4 tylli na kini da yoh u haka Innings wa nyngkong katwa ya ki 6 tylli won da yoh u haka Innings wa ar yow pynjop yaka Meghalaya da chi Innings wa 425 Run.
U Singhania da sdang u ynne ka sngi deiwa pynhaap 2 na li 3 tylli ki Wicket wa sah ka Mizoram haka Innings wa nyngkong yong ka kawa pteiñ ko da 114 Run, heiwa ynne ka sngi ym ye ko wow kamai chi Run leh. U Singhania da yoh u 4/30.
Deiwa chah ieh ka Mizoram palat 500 Run, ka Meghalaya da phah Bat biang (Follow on) ko yaka Mizoram kawa da ye u kamai du 123 Run. U Singhania da yoh u 6/40 heiwa waroh da yoh u 10/70.
Kiwi de kiwa yoh u pynhaap Wicket toh u Sanjay Yadav 4/27 (waroh 6/47) kawa da wan hadien wa da kamai u 254 Run yaka Meghalaya.
Discussion about this post