U Lat ka Meghalaya, u Phagu Chauhan ynne da chimbynta u wow saam khusnaam cha kiwa jop ka 3rd Half Marathon wa pynman da ka Assam Rifles haka yalang wa da pynman ha Headquarters ka Directorate General Assam Rifles, Laitkor, Shillong.
Ya kani ka yakob phet pyllah da pynman da i thong wow wanrah yei yatylli hanla em boon i yaphær wei kam chibynta ka “Fit India Movement” deiwa chah u chimbynta da kiwa em 18 snem chaneiñ ki chynrang wa kynthai ha ki kyrdan waphær waphær.
Kani ka Half Marathon toh kawa jrong 21 Km wei da em 290 ngut kiwa chimbynta ha ka rta 18-30 snem, 199 ngut ha ka rta 30-40 snem, 123 ngut ha ka rta 40-50 snem wa 135 ngut ha ka rta 50 snem chaneiñ.
Ya kani ka yaphet da bhah leh ha ka ar bynta kawi 21 Km wa kawi won 10 Km kawa da em jar jiar i rta kiwa chimbynta.
Haka hapoh 30 snem i rta, u Emphius Nongrum da jop u yaka 21 Km katwa ha ki kynthai da jop ka Bandasharai Marwei. Haka 10 Km da jop u Iohborlang Nongspung na ki chynrang katwa ha ki kynthai da jop ka Marqueenless Ramsiej.
Waroh da em 747 ngut kiwa chimbynta ha kani ka 21 Km Half Marathon wa 694 ngut ha ka 10 Km deiwa wan dei bru wei em leh kiwa chimbynta ha ka Virtual Mode.
Discussion about this post