Jowai : Ka seiñ Khynroo Khyllood Committee ka Seiñraij Jowai ynne ka sngi da pyndep ko ya ka yakop Rah Mookhrah kam chi bynta ka tayaw kynmoo warom ya ka sngi yap u Woh Kiang Nangbah.
Kani ka rah Mookhrah toh ka yakop pynyoo bor kamjooh leh yei buit yow rah ya kini ki moo wa em i khia 22 Kg, 56 Kg hadooh 107 Kg wei da pynman ya ka ha madan Dulong, Jowai.
Kiwa rah ya kini ki moo da sdang chwa ki u rah da uwa stiñ dooh wei haap lai ki 12 meter wei da rah biang cha chilliang da kiwi kiwa chimbynta khlem pynhaap ya u moo.
Ynne ka sngi da wan chimbynta 6 ngut kiwa yaleh katwa ye u rah ha kini ki moo cha ka thong. Manda poi ha u moo wa 102 Kg da sah sadu arngut u Mantre Lato na Dulong wa u Ram Puden na Nongjngi.
Da rah nyngkong da u Mantre Lato uwa da rah suk ya ka 12 meter wa emkaam u rah u katwa u Ram Puden won hadein wa kynrong u ya u moo hadien ar kaap da pynhaap noh u ya u moo.
Kamtæ yei naam jop da rah da u Mantre Lato.
Discussion about this post