U khynroo uwa sah ha Khimusniang, Jowai uwa tip kam u Adonijah Lyngdoh uwa em 26 snem i rta da man u kam uwa jop ya ka samoi wa nyngkong ka yakob chet baam kawa tip kam ka ‘Hills on a Plate-Meghalaya’. Kawa pynmih kam ka TV Series wei da pynyoo ka ha Jio Cinema kawa man leh kam chibynta wow pynpawnaam ya ki jait baam tynre ka jylla kamjooh ki thaw ki bhaw deilang wa ki dustur riti.
Kiwa poi ha ka Top 5 kani ka yakob da yoh ki leh mar Rs. 10,00,000 samen wei kiwa da chimbynta toh u Artet Kharsati, u Ivan Suting, ka Daei Suchiang, ka Nambie Marak, ka Tanisha Phanbuh, u Uttam Thangkhiew deilang wa u Adonijah Lyngdoh kiwa da pynyoo yei sap yong ki yow chet u tu.
Ya kiwa chimbynta da wan wow bichaar da ka Sarah Todd naka Master Chef Australia deiwa wa emlang ka Ardahun Passah, u William Diengdoh wa u Gunme Marak.
U Adonijah toh uwa da dep puræ Class-XII na Jowai Government Boys’ HS School wei da pyndep u sa ka B.Sc (Hospitality & Hotel Administration) na IHM Shillong.
Nadooh dang khian u toh uwa ka’it u chet u tu ha yung wei da kani ka song poisa wa yoh u da yooluti u wow pynskem ya ka mynried u deiwa sdang kreh da iwa angnood u.
Da jooh kreh u wa ka Boba Tree deiwa pait ya ki chnat dukan ko wa em ha Bengaluru, Guwahati, Shillong wa Mylliem najrong wa kreh u kam u Freelancer Bartender wa kam u Freelancer Chef.
Discussion about this post