Jop uwa na Mowtyrchiah yaka Bolero Pickup, uwa na Jowai yaka Alto K10

Ka Celeste Social & Cultural Sport Club Pyntei (Raliang) ynnin ka sngi da saam ko ya ki khusnaam cha kiwa jop yaka Lucky Draw kawa da pynkhle kam chibynta ka Fete haka 6 tarik uni u bnai.

Ha kani ka Lucky Draw da pynkhle da ka Bolero Pickup kam ka 1^st Prize, ka Alto K10 kam ka 2^nd Prize wa da ka poisa wa Rs. 50,000 kam ka 3^rd Prize.

Ya ka 1^st Prize da jop da u Thikskem Dhar uwa na chnong Mowtyrchiah-B uwa thied da ka Ticket wa em Number 29201, ka 2^nd Prize da jop da u Ravindra Kumar uwa na Jowai uwa da thied da ka Ticket wa em Number 50066 katwa ka 3^rd Prize wa pam da ka Ticket 38867 ym pu em wa wan kam.

Ha kani ka saam ya ki khusnaam da em leh u President, u S. Lamare wa u General Secretary u E. Lakiang kiwa da e khublei ya waroh kiwa da kyrchaan lang yaka Celeste Social & Cultural Sport Club nadooh kiwa thied ya ki Ticket kamjooh kiwa da wan wow pynchit ya ka Fete ha waroh ar sngi.

Related posts

Da tam Rs. 27 lak ka Housie ha ki ar sngi ka Fete ka Moochut Pyrdung Club, Jalaphet Bri-Sutnga

February 4, 2026

Pynlait ka Lion Sports and Youth Affairs, Mission Compound Jowai ya ki Ticket Lucky Draw

February 3, 2026

“E wa u Blai Kynrad u nang kyrkhu u ya phi kamjooh ki kaam wa bha yong phi,” pynkut ka Wyrta na ka Celeste Social & Cultural Sport Club Pyntei (Raliang).