Jop wei mih soh ka NSS Special Camp ka TJSC ha Sohphoh

Jowai: Ka National Service Scheme (NSS) yong ka Thomas Jones Synod College (TJSC), Jowai da pynkut noh ko ya ka Special Camp yong ka, kawa chi tayaw haka 1 tarik uni u bnai ha ka chnong Sohphoh Thadlaskeiñ Block, West Jaintia Hills District kawa man leh ka chnong wa da chim wow sumaar namo ka Adopted Village yong ka College.

Kamwa 50 ngut ki NSS Volunteer wa le ngut kiwa siaki wa kynthup ya u Dakyntuhimi G. Lyngdoh, u Wandy EH Lamin wa ka Interesting Dkhar kiwa man ki Programme Officer NSS da chimbynta ki ha ka tai ka Camp.

Ka NNS Unit da pynman ko leh chiboon ki prokram kiwa kynthup yaka Education & Socio-Economic Survey, ka yakop dro, wa i pykhooid chnong, ki pynche paidbah (Awareness) natlor kiwi kiwi.

Ki Volunteer yong ka tai ka College kiwa da yoh ki yei sikai wa kammon wow pyndep ya ka Education Survey lyngba ka Annual Status of Education Report (ASER) hapoh i yahkhmat u Khrawboklang Tyngsong Regional Officer ASER, da lai ki wow psiah cha iwi pa iwi i yung wow kylli chaphang ka hiar ka ku ka puræ puthi wa i yoh i kot kiwa chong chnong.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha ka sngi wa bood won da pynman ya ka yakob dro harong ka phang “Beat Plastic Pollution” kawa da chimbynta hadooh kamwa 48 ngut ki khynnah. Da pynbood won saka pynkhooid chnong kawa da chimbynta lang ki khynnah wa ki khynroo khyllood ka tai ka chnong.

Da pynman leh ya ka yalehke bol hapyrdi ki khynroo ka chnong waki NSS Volunteer.

Da em leh ka ya pynyoo lehke Drama wa tbian wow pynyoo yei kordor i puræ puthi, i ktah ka kyiad, i drugs, i emkaam i e snam sniawbha, i leh khooid wa i pynneh pynsah ya ka rymaw kawa da wan sakhi da palat 200 ngut kiwa chong chnong.

U Wandy EH Lamin Programme Officer NSS ha i klam yong oo da pyntip u wa kani ka Camp da yoh leh wow yachem wa kiwa heh wa sian ka chnong khamtam ki warep kiwa da pyntip yei rukom rep ki waroh chi snem wei da thooh yutip leh na ki manbei heiyatoh waka chait ka khiah kiwa chong chnong.

Hawa kut u waheh chnong yong ka chnong Sohphoh u K. Kharshohnoh da e ya ki kyntien kyrpang yaka NSS Unit yong ka College wa ki ktien kyrkhu kyrdoh.