Jowai: Ka seiñbei JSU-1 da jubab ko yei pynmih khubor katkam wa da phah da kiwa mihkhmat ka Joint Health Development Committee Namdong PHC kiwa ong wa sñiawsih ki yei pynbaad ka seiñ JSU-1 pyrchah ya ka PHC wa ym em biang krehkaam ko wei toh u thooh bniah ki chwa wow pynmih khubor.
Ka seiñ da ong ko wa da lai li sylli ko ya katai ka PHC hadien wa yoh ko boon ki ujor na ki paidbah wei ka seiñ da chem ko wa ha katai ka sngi wa ym em Doctor, ym em wa kreh ha kani ka PHC wei hadien won da wan arngut kiwa kreh.
Ka seiñ da chem ko leh wa ym em bru wa e dawai wei ka sumaar Emergency leh toh kawa khang. Ym toh waroh ini toh iwa leh kamke yei sumaar ya ki paidbah da kylli ka seiñ?
Lada kamtæ toh hi wa i ong ka JHDC wa waroh i jait biang i hapoh kani ka PHC ka seiñ da chem ko leh wa i thaw thiah ki paikhana man ki kiwa tngit, cheiwon uwa toh u pait yeini u wym ye tang u lehkhooid leh da kylli biang ka seiñ.
Kani ka PHC toh yong ka sorkar namo yong kiwi hadooh wa haap wow paan bor naki waheh chnong chwa wow lai cha kani ka PHC neibhah ka seiñ wan ko dei mynsien wow yarap yei eh i khoo wa chem ki paidbah wei ym em leh pyrchah yo ya ka chnong Namdong.
Hanlada kattæ leh ka seiñ smat ko wow yakrehlang waka chnong yow pybiang yei duna kani ka thaw sumaar.
Also Read: Neidaw wym biang Doctor ka Namdong PHC lai yachem ka JSU-1 ya u Jt. Director ka DHS
Discussion about this post