Kiwa yalehke ka Meghalaya da kut i lai luti ki ha ka Junior Boys National Football Championship 2025 (Tier 1) yong ka Dr. BC Roy Trophy ynnin deiwa rem da 2-1 ha ka Tamil Nadu ha ka yalehke wa pynman ha Amritsar.
Hadien wa dadep rem ha ka West Bengal wa Kerala, ka Meghalaya da neh ko ha tre dooh ka Group B deiwa khlem yoh chi Point leh heiwa da yachem ko du kiwa khor hi ki liang iwa da yarap ya kiwa yalehke wow rap chemphang ki.
Neiliang u Coach, u Seibor Sana da pynkylla u ya ar ngut kiwa yalehke chwa u sdang deiwa e laad ya u Mewanpyntngen Lyngkhoi wa u Robindor Kyrsian wow yaleh ki hei sien wa nyngkong heithaw u Dasukbanphrang Diengdoh wa u Clifford Buam.
U A Suresh (34′) da thap u ya ka kool wa nyngong ya ka Tamil Nadu tangwa u Medonbanshan Kurkalang (81′) da thap u deiwa neh sa 10 minit ka yalehke.
Ka Meghalaya ym ye ko wow ksoh ya kani heiwa u Iniyan Chandar M (90’+4) da pynjop u ya ka Tamil Nadu hadien wa mih madan u chwa wow kut ka yalehke.
Discussion about this post