Ka niaw Vote ha ki 3 tylli ki Constituency wa pynman ya ki Election chiteiñ samoi ha Meghalaya daman ko kawa lai bait wei hadooh chiteiñ sngi ka NPP da tam ko ha ki ar tylli ki Constituency kitæ ha Mawryngkneng wa ka Mawphlang katwa ka UDP da tam ko ha Mawphlang.
U kyrtong ka UDP na Mawphlang u Eugeneson Lyngdoh hadooh chiteiñ sngi da yoh u kamwa 48.33% ka Vote katwa u kyrtong ka Congress u Kennedy C Khyriem da yoh u kamwa 35.08% ka Vote.
Ha Mawryngkneng u kyrtong ka NPP u Pyniad Sing Syiem da yoh u 48.49% ka Vote katwa u kyrtong ka Congress u Highlander Kharmalki da yoh u 44.46% wei ka yaleh dang man ko kawa jwat bha.
Ha Rajabala leh dang man ko kawa ya thain bha hapyrdi ki kyrtong ka NPP wa Congress heiwa u kyrtong ka NPP u Md. Abdus Saleh da yoh u 38.82% ka Vote katwa ka kyrtong ka Congress ka Hashina Yasmin Mondal da yoh ko 38.19% ki Vote.
Ka niaw Vote da jan poi ko cha wakut wei du hadien kattu katni por daw tip ya kiwa jop.