Da u: Refil Sari
Jylla Meghalaya, jylla wa em naam,
Ka jylla nachwa wa biang ki kiwa yalam.
Ha pha em ka lær wa pyngngaad, ka niam, ki krem ki loom, ki dieñ ki seij,
Ki bru nabaar ya pha waroh da yapbiej.
21 tarik January man la u snem kamni,
Ya pha Meghalaya da kynmoo warom ki.
Wa da yoh pho yei naam ka jylla wa pura,
Na kti ka bei sorkar India.
Aa la 49 tylli ki snem wa da dep wa da Lai,
Da em pho ya ka Map hapoh ka pyrthai.
Tangwa sñiawsih O u pait hadooh katni,
Cha thaaiñ khappood wym yoh suk ki khon ka ri.
Tia Chaphrang Meghalaya,
Yooluti oo yow pood ka ri daw ye phi u yada.
Ha phi kiwa yahkhmat ham ya chong kli kti,
To ya pyrkhatlang ya ka mynried ki khon ka ri.
Im slem Meghalaya wa maya yong nga,
Ki Blai ki syiem ya pha u nang yada.
Chaphrang u tia chadien ham kynran,
Chirrup i da i kær na ki tawiar ki takan.
