15 49.0138 8.38624 1 0 4000 1 https://wyrta.com 300 0
Advertisement ad1

Ka Advance Christmas ka Thadlaboh Presbyterian Higher Secondary School Jowai
Da pynkup burom leh ya ki khynnah puræ kani ka skur

0 Comments

Jowai : Ka Thadlaboh Presbyterian Higher Secondary School Jowai ynne ka sngi da pynman ko yei lehkmen Advance Christmas kamwow kynmoo warom yei kha yow Khon u Blai u Jisu Krist cha pyrthai.

Ya kani ka Advance Christmas da pyman ha chwa wa ka skur u saam ko ya ki result cha ki khynnah puræ ko.

Advertisement ad1

Ya kani ka yalang da pynlai da ka kong M. Khairim Mujat kawa man leh kam ka Headmistress, hei emlang u Tbn. K. Susngi Secretary School Managing Committee, u ma M.E.Manner uwa man leh u Rangbah Balang, ki nongsikai wa ki khynnah skur.

Ha kani ka sngi, ka Thadlaboh Presbyterian Higher Secondary School da saam ko leh ya ki Certificate cha ki 5 ngut ki khynnah nadooh klas-VI hadooh klass-X kiwa da chah jied kam ki wa yoh ya ka Free School Fees 2015 nadooh u Thohlakhmi hadooh u Kmaichonglad lait noh i su ya ka bai Computer. I jied ya ki khynnah nei bynta ka Free School Fees toh du ya ki wa yoh nyngkong.

Kitæ ki khynnah wa lait u su bai skur toh u Goodluck Pakma na ka Klas-VI, u Paijendi Pakma na ka klas-VII, ka Jessyfer Sumer na ka klas-VII, Rikynmaw Ymbon na ka klas-IX wa u Founderstone Kharsah na ka Klas-X.

Ha kani ka Advance Christmas i puræ yei ktien U Blai wa i ngooh Blai da pyndep da u Nehlang Mukhim naka Klas-XII, da pynbood won dei rwai wa na ki khynnah skur, kamjooh na u nongsikai u ma Deibormi Dkhar wa na ka dhab rwai “The Gaddial Voice” kawa yah khmat da u Pynche M. Lakiang.

U ma M.E. Manner hei klam ha kani ka Christmas da kyntu u ya ki khynnah skur wa toh u man ki ki khynnah wa sniaw khian mynsien wei wym hoi u yooñ beiñ ya ki wi ki jaitbru. Hajron itæ da e mynsien u leh ya ki deiwa ong wa toh u man ki kiwa kreh chitom hei puræ puthi yong ki yow yoh ki u kheit ya u soh wa thiang.

Ha kani ka sngi da saam leh ya ki khusnaam cha ki khynnah kiwa da chimbynta ha ka Study Tour kawa da dep pyman ha ka 9 Khonchonglad wei wa ka khusnaam Best Photographer da yoh da u Nehlang Mukhim na ka Klas-XII weiwa yei khusnaam Best Reporter da yoh da u Gratelly Mylliemngap katwa yei naam Best Regular Student da yoh da u Founderstone Kharsah na ka class-X.

Da pynkut ya ka yalang da ki kyntien e khublei naka nongsikai ka kong L. Khonglad.

Advertisement ad1

0 Comments

Leave a Reply