U Deputy Chief Minister uwa pait leh ya ka chnat Home (Police), u Prestone Tynsong da maham u wa ka aiñ daw leh ko yeiwa emkaam pyrchah ya u MDC ka VPP na Nongstoiñ uwa da pynthut ya ka Interview kiwa yaleh kreh Staff Nurse neibynta ki kreh ka MCH Hospital, Nongstoiñ ynnin ka sngi.
U Prestone da ong u wa i pynbaad ym ye i wow e hok ya kiwon kiwon wow pynthut ya ka Interview.
Da ong u wa hawa em i wit wei suba ymtoh wow pynthut ya ka Interview, ieh yn lai bait ka Interview neibhah deiwa pynthut ym myntoi iyi iyi.
Chooh chooh da ong u hadien wa tip yeiwa pynbaad da pynman leh yei takit wei chisien dep ka takit daw leh yeiwa emkaam.
Heiyatoh wa lada u leh yeiwa emkaam pyrchah ya u MDC, u Prestone da ong u wa lada toh u MLA, MDC næ MP, katwa dang man hi kiwa chong chnong ka India, ka aiñ daw leh ko yeiwa emkaam.
Discussion about this post