U Montri Rangbah ka jylla, u Conrad Kongal Sangma da kyntait u yeiwa mih khubor wa daw chah knieh noh ka chuki u Dasakhiatbha Lamare wow thung won ya ka Ampareen Lyngdoh, heiwa da klam che u wa ym em iwon iwon i thmu wow pynthymme ya ka chuki ki Montri hadien wa e kyrchaan ki 5 ngut ki MLA Congress ya ka sorkar MDA.
Kam wow kdaw heini wa hadien i psiah ki 5 ngut ki MLA Congress cha ka sorkar da e bhah ya ki 4 ngut da ka chuki Co-Chairman, katwa ya kawa yahkhmat ka Congress Legislature Party (CLP), ka Ampareen Lyngdoh ympu rai wow e bynta ya iwon iwon i kaam.
Hawa kylli ynne ka sngi, u Conrad da ong u wa ka sorkar daw yaklam ko kammon wow e bynta ya ka Ampareen, wei da ong u leh wa hanla ympu chim ya ka rai wow e chuki, ka Ampareen da pynsñiaw ko wa ya katni hun ko wow krehlang ha iwon iwon i liang wow e i myntoi wei wow kyrchaan pura ya ka sorkar weiwa ka chuki ymtoh wa hakhmat neibynta yong kawa yahkhmat ka Congress.
