Ka aiñ wa pait yaki kaam wa yatoh waki kari kamjooh kawa em ki kyndon wow daiñ kuna ya kiwa yah kari kawa da pynkylla kawa da tip kam ka Motor Vehicles (Amendment) Act, 2019, da pynku ya i bai kuna kiwa heh hadooh T. 25,000.
Ki bai kuna da pynku hadooh palat 2 chah wei da em kiwa da ku hadooh soo chah kiwa man kamni ha wah kiwa emkaam u tip.
I tyngkheiñ yaki kyndon kiwa ym em booh ka bai kuna u kheiñ bait heidor T. 500 haka sien nyngkong wei lada chem biang daw toh T. 1,500. I dor warim toh T. 100 haka sien wa nyngkong wa T. 300 ha ki sien wa bood.
Lada ym ngiat næ ya krehlang wa ki pulit kamjooh i wym bien u pynyoo yaki kot ki sla daw toh T. 1,000 haka sien wa nyngkong katwa haka sien wa ar wa kiwi wa bood daw toh T. 2000. Ka kuna warim toh T. 500.
Lada chah wow pynemkaam yaki kari da ki wym toh u pynemkaam ka kuna toh T. 5,000 katwa ka kuna warim toh T. 1,000.
Ki kaam wa yatoh wa ki License, ka kuna man ko T. 5,000 iwa nachwa T.500.
Lada pynhær kari, ka kuna man ko T. 1000 haka sien wa nyngkong wa T. 2000 ha ki sien wa bood yaki kari khian (LMV) katwa ya ki kari heh T. 2,000 haka sien wa nyngkong wa T. 4000 hawa bood won. Nachwa kani da kheiñ T. 400.
I yah kari deiwa booh hei maa ya kiwi wa ya idæ ka kuna man ko T. 5,000 lane deiwa kset patok 6 bnai hadooh 1 snem haka sien wa nyngkong wei T. 10,000 ka kuna haka sien wa ar lane deiwa chah kem 2 snem haka sien wa bood.
Lada ym ngait ya ki Stop Sign T. 5,000 haka sien wa nyngkong wa T. 10,000 haka sien wa bood.
Lada pynemkaam Mobile Phone heipor wa yah kari ka kuna man ko T. 5,000 haka sien wa nyngkong katwa ha kiwa bood won T. 10,000.
Lada lai naka sarok lane i liang sarok wym chah, ka kuna man ko T. 5,000 haka sien wa nyngkong katwa T. 10,000 hawa pteiñ u leh pyrchah.
Lada yah kari deiwa muaid, ka kuna man ko T. 10,000 haka sien nyngkong katwa T. 15,000 ha ki sien wa bood.
Lada yah kari dei wym man i pyrkhat pyrdaiñ wa biang, i doh i pran wa biang ka kuna man ko T. 1000 haka sien wa nyngkong wa T. 2000 haki sien wa bood.
Lada ka kari man ko kawa ood i sur kawa joor mih tdem, ka kuna man ko T. 10,000.
Lada yah kari khlem Seatbelt ka kuna man ko T. 1000.
Lada chong palat ya 2 ngut haka kari ar chaka, ka kuna man ko T.1000 kamjooh lada yah khlem Helmet ya uwa yah wa kiwa chong hadien man ko T. 1000.
Lada ym e laad wow lai ki kari kam ki Ambulance wa kiwa lai tympleh diñ, ka kuna man ko T. 10,000.
Lada yah kari khlem Insurance, ka kuna man ko T. 2000 haka sien nyngkong katwa T. 4000 ha ki sien wa bood.
Lada yah kari khlem ki Permit lane deiwa tyngkheiñ yaki kyndon ka Permit, ka kyndon man ko T. 10,000.
Lada yah kari da kiwa dang khian rta, ka kuna man ko T. 25,000 hadooh wow kset patok 3 snem yaki tre kari lane kiwa kitkhlieh yaki khynnah wa i pyndam yaka Registration kari 12 bnai.
Kiwa pynthut yei lai i wan ki kari daw toh ki T. 500 ka kuna.
