15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sdang biang ka Assam wow chna ya u sarok ha Lapangap, dawa pynsangeh ka chnong

Advertisement ad1

Ka sorkar Assam da sdang biang ko wow chna ya u sarok Pdeiñ Chariñ wa haap hapoh u pood u ang ka chnong Lapangap, West Jaintia Hills, Meghalaya.

Uni u sarok toh uwa da sangeh wow kreh nadooh ka 01-10-20 hadien wa pyrchah ki paidbah wa chong chnong ka Lapangap deilang wa i kyrchaan ka KSU Khanduli-Umshangiar Unit hei emlang ka Border Magistrate,  DSP wa MLP.

Tangwa hadien 3 bnai tam ka sorkar Assam da wan kreh biang ko ya utai u sarok deiwa synraan ki pulit ka Assam. Kamtæ da ong wa ini pynyoo ko wa ym burom ka Assam yaka ‘Status Quo’ wa da mynjur haka yalang wa da man kaka 20-10-20 ha Mihmyntdu, Jowai heiwa da yachem na waroh arliang ki District ka Assam wa Meghalaya.

Ka Dorbar Chnong Lapangap waka KSU Lapangap wa Khanduli-Umshangiar Unit da beiñ joor ki ya ini i leh embor biang yong ka sorkar Assam. Kamtæ ka Dorbar Chnong Lapangap wa ka KSU Lapangap wa Khanduli-Umshangiar Unit da kyrpaad ki ya ka sorkar jylla wow yaklam wa ka sorkar Assam wow pynsangeh syndon yei pynkreh ya utai u sarok.

Share this:
Previous

Pteiñ ka Ramakrishna Mission Sohra wow e yarap cha ki manyung ki 5 Chnong Thadmuthlong

Next

Ka bai kuna hapoh ka Motor Vehicle Act kiwa emkaam u tip