Ka Behdieñkhlam ka Raij Muthlong

Jowai : Ka Raij Muthlong da pyndep ko ya ka Behdieñkhlam yong ka ynnin ka 7 Naisaphra heiwa u ma Vincent H Pala da wan sakhi u kam u kongsan.

Ya kani ka Behdieñkhlam da pynkut ha Biar Nohrong heiwa da wanrah ya 17 tylli ki rot (rong).

Ya ki rot da wanrah na kylleiñ ki chnong hapoh ka Raij Muthlong wei da rah leh ya ki rot na Pamanik kamjooh leh ha uni u snem da wanrah na Mukhep.

Kani ka Behdieñkhlam da pynman ha ki ar sngi, itæ ha ka 6 wa ka 7 tarik uni u bnai.

Kani ka lehniam toh ka wow beh ya ka khlam wei wow e bhet e bhaar ya ki blai ki syiem hapoh ka Raij wei wow wanrah yei roi i paar ki khon ka Raij.

Ha kani ka sngi ka Raij da pynkup burom leh ya u khynroo Harley Suchiang uwa yoh ya ka 4^th Position ha ka Exam Class XII Science yong ka MBOSE.

Ya kani ka Behdieñkhlam da wan sakhi da ki spah ngut kiwa wan na kylleiñ ka Ri Loom Jaiñtia wa Khasi.