Jowai : Ka Chaad Sukra ka Seiñ Raij Muthlong, West Jaiñtia Hills District kawa jooh man khlieh snem, ha uni u snem u sdang ko nadooh ka 8 tarik wei u pynkut ha ka 9 tarik Naitung (April), 2016 ha Madan Nohrong ha Thadmuthlong.
Ha kani ka Chaad Sukra da pynkhreh kyrpang ya ki yakop waphær waphær da ki khon ka Seiñ Raij kam ki Rwai ki Siaw, ka Chaad Pliang, ka Kynhoi, Dat Mooñiaw, Siat Khnam, Quiz, Debate, ki chaad tynre, ka tem ka put tynre wa kiwi kiwi ki wow pynneh pynsah ya ka Riti Dustur ka jaitbru Ynñiaw Trep Ynniaw Wasa.
Kamtæ ka Seiñ Raij Muthlong da khut ya waroh yow wan sakhi ki ya kani ka Chaad Sukra. Da kyrpad leh ya waroh kiwa wan cha kani ka Chaad Sukra wow man ki kiwa tip bru tip blai, wa ymhoi u leh ki iyi iyi wa ym yahap wa ka imlang sahlang. La da chem ya kiwon kiwon kiwa leh kulmar ha kani ka Chaad Sukra daw pynchitom ya ki. Ini toh katkam ka khubor wa da pyllait da u General Secretary ka Raij u ma Y. Suchiang.
Discussion about this post