Ka Seiñraij Mynso, West Jaiñtia Hills daw pynman ko ya ka Chaad Sukra ha ka 23 tarik uni u bnai ha Madan Khloo Blai Langdoh heipor 11:00 waje i step.
Ha kani ka sngi u B. Langbang, BDO ka Laskein Block daw man u kam u kongsan katwa u E. Teron u MDC ka thaaiñ won kam u symbood kongsan.
Chooh chooh ha kani ka sngi daw chimbynta ki khon ka Seiñraij Mynso wa na kiwi ki Seiñraij wa wan na kylleiñ ka Ri-loom Jaiñtia.
Kamtæ da khut lang ya phi ki lok ki jor na jan na jngai u yawan pynchongchit ya kani ka Chaad Sukra.
Heipor miet daw pynyoo leh ya ka phlim “Anna” heipor 7:00 waje i miet ha Community Hall ka Dorbar Chnong Mynso-A heiwa ka Ticket u man ko T. 100 samen (nadooh khynnah hadooh waheh).
Kani toh ka Wyrta na u PM Chen uwa man u Secretary ka Seiñraij Mynso.
