Ka Chahtngit haap ko cha Iawmusiang, hadien ka yalang ki le Waheh Chnong

Jowai: Da ka yalang hapyrdi ki 3 dorbar chnong da pynman ha kani ka 21 Naiynru hei yatoh wa i kam ya ka thaw wa tip kam ka Chahtngit kawa da mih pyrthai hadien wa da chna beaiñ ya ka Mosque harood ka wah Myntdu yong ki bru wa ngait Muslim.

Kini ki le dorbar chnong ka Jowai kynthup ki yaka Ladthalaboh, Loomsooiung Newhill wa ka Tympang Club, Iawmusiang.

Ya kani ka yalang da pynman ha Indoor Hall Ladthalaboh hei emlang pyn 3 ngut ki Waheh Chnong u ma L.D. Lakiang Waheh Chnong ka Ladthalaboh, u J. Passah na Loomsooiung Newhill wa u E. Khyriem yong ka Iawmusiang deilang wa ki dkhot yong ki.

Hadien ka yalang neiliang u ma L.D. Lakiang da ong u wa ka Iawmusiang toh ka dong kawa da rim bha na kawa ka Ladthalaboh wa ka Loomsoooiung da mih ki hadien wa da heh da kmai ki weiwa kani ka thaw wa chna ya kani ka Mosque haap ko hapoh i pait i yoo ka Loomsoiung, neidaw wa ka Loomsoiung ympu ye ko u chim kti u pyllai ya u pood u ang, neiliang ka Iawmusiang da rai ko wow pait chwa da ka wei u leh ko yeiwa emkaam.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

U Waheh Chnong ka Iawmusiang da ong u wa waroh kitu kiwa chna yung ha Chahtngit da yoh bor lut ki na ka chnong katwa ya katu ka mosque won ym em yoh yutip neiwon yoh ko.