theme-sticky-logo-alt
theme-logo-alt

Ka Congress man ko kawi na ki laad wow yada ya ki paidbah ym toh ka BJP wa ki lok ko: Dr. Mukul Sangma

Jowai: U montri rangbah warim ka jylla, u Dr. Mukul Sangma ynne da kam u wa ka Congress man ko kawi na ki laad wow yada ya ki paidbah.

Da pynbaad u wa ka BJP wa ki lok ko man ki i maa ya ka synchaar paidbah hapoh ka ri.

Chooh chooh da ong u wa ym em laad de lait na ka Congress neibynta ki paidbah ka ri India wei ha ki sngi wow wan daw ku ka Congress kam ka party wa biang dooh.

U Mukul uwa man leh u Chairman ka North East Congress Co-ordination Committee da kam u waka Congress daw wan biang ko hei jop hadien kiwa boon ki thok ki chukor ka BJP nadooh wa synchaar ko ha u snem 2014, wei yeini ki paidbah daw jied ki deiwa sniawthooh ki ha ka Election 2019.

Da kylli u leh iyi wa da leh ka sorkar pyrdi neibynta ka thaaiñ mihsngi manda poi ki heibor lait nei pyndam noh ya ka Special Assistance Plan iwa da ktah joor ya kini ki jylla ka thaaiñ mihsngi.

Da pynbaad u leh wa T. 1,90,000 klur na ki scheme wa pynbna da u montri wa pait ya ka Roads and Highways, u Nitin Gadkari, neiliang u Mukul Sangma da kylli u wa lada em ki scheme thymme wa kynthup hapoh yong ka ym tip neibhah waroh kini wa da wanrah chwa da ka sorkar pyrdi warim wa yahkhmat da ka Congress.

Da yada u ya ka Congress wa thmu wow pynman ya u Rahul Gandhi kam u montri rangbahdooh ka ri deiwa ong, wa i rah naam bakla pyrchah ya u Rahul toh neidaw wa yalam bakla wow pynsih yei pyrtuid u Rahul wei ini waroh toh wa leh ka BJP.

Da pynbaad u leh wa ka BJP wa ki lok ko da leh ko i jooh ha Meghalaya.

(Feature Image-File Photo)

Share this:
Previous

Da pynman ya i pynkhooid chnong ha Lumchyrmang, Mihmyntdu

Next

Pynbna u Baitlang Pohsngap kam u kyrtong MDC ka Jowai South Cosntituency