Ka dhab ka sorkar MDA lai Delhi ko du neibynta ka ILP: Prestone

Shillong: U Symbood Montri Rangbah ka jylla Meghalaya, u Prestone Tynsong da ong u wa i lai ka dhab ka sorkar MDA cha Delhi hapoh i yahkhmat u Montri Rangbah toh wow yaklam bait wa ka sorkar pyrdi hajrong i rai ka dorbar chna aiñ ka jylla namo ka Meghalaya Legislative Assembly wow pynkrehlaam ya ka Inner Line Permit (ILP) ha ka jylla.

Kam wow pynkynmoo heini u Conrad ynne ka sngi da yahkhmat u ya ka dhab ka MDA cha Delhi wow yachem ya u Montri ka kaam pohyung (Home) ka ri India, u Amit Shah.

Neiliang u Prestone da ong u wa hadooh katni ympu pyntikna ko yei por wow yachem ya oo.

Da ong u leh wa ka sorkar hadooh ynne ympu pyrkhat ko da kiwi ki luti lada ka sorkar India ym e ko ya ka ILP, da pynrap u wa i angnood ka sorkar u lai bait i wow yoh ya ka ILP.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi i liang, hajrong ka Ordinance yong ka ka Meghalaya Residents Safety and Security Act, da ong u wa ka dhab ki montri da pyndep ko yei kaamram, tangwa dang chong ko ha ka miej u Lat ka jylla.

Da pynrap u leh wa ka Ordinance ymtoh ware u yaklam neibhah daw haap rah ya ka ha ka dorbar mang poisa ka wow man ha u Wisu (March) khnang wow man aiñ pura ko.