U Deputy Commissioner (Election), East Jaiñtia Hills District da pyntip u wa heiyatoh wa ka Election MLA da bood ya ka Standard Operating Procedure (SOP) manda em i kem wa i pynlait ya ki tiar, ki mar, ka poisa heipor wa krehkaam ka Model Code of Conduct, tangwa yow lait won u chah pynthut ki paidbah wym em leh bakla wei wow e laad u saitkhooid ki, da sdang da ka “District Committee For Examining Cases of Seizures” hapoh ka District.
Ki dkhot ka Committee kynthup ki ya u G. Warjri, Project Director, DRDA, kam u Chairman, u J. Shylla, Nodal Officer, Expenditure Monitoring, Khliehriat kam u Convener wa u L. Lyngdoh, Treasury Officer kam u dkhot ka Committee.
Kani ka Committee u sylli u takit ko heiyatoh wa iwa kem ki pulit namo ki Static Surveillance Team wa ki Flying Squad wei manda bichaar ka Committee wa ym emkaam u ujor FIR/Complaint hadien wa chem wa ka poisa ym yatoh ko wa u kyrtong næ ki Party namo wa ka Election Campaign, katkam ka Standard Operating Procedure daw leh ko yeiwa emkaam wow pynlait noh ya ka poisa wa da kem yow pynuiñ cha ki tre hadien wa e ya ka hukum.
Ka Committee daw pait ko ya waroh ki Case wei wow chim rai heiyatoh wa iwa chah kem.
Puræ leh: T. 10.72 lak yoh kem ki pulit ka Umkiang
