theme-sticky-logo-alt
theme-logo-alt

Da ka Cycle Rally lehkmen ka East Jaiñtia Hills ya ka National Voters’ Day

Ynne da lehwarom ya ka 13th National Voters’ Day 2023 da ka yung krehkaam u Deputy Commissioner (Elections), East Jaiñtia Hills District deiwa pynman ya ka Cycle Rally ha ka District wow pynche yeiwa emkaam u thap Vote khamtam kiwa thap Vote nyngkong wow pynemkaam ki yei hok yong ki. 

Ya kani ka Rally da kaweh lama da u Addl. Deputy Commissioner, East Jaiñtia Hills District, u A. Nongbri, na Lad Sohkymphor (WS) chadooh ka yung krehkaam u Deputy Commissioner. 

U A. Nongbri hawa e yei klam da ong u wa i thap Vote toh i hok yong waroh kiwa chong chnong ka ri wei kam kiwa thap Vote ymtoh u chim poisa ki tangwa wow pynemkaam deiwa chemphang yei hok. 

Hajrong ka phang yong kani ka sngi kawa ong “Nothing Like Voting, I Vote for Sure”, da ong u wa waroh kiwa chong chnong toh u embynta ki ha i thap Vote deiwa kyntu wow pynsñiawthooh ya kiwi wow wan ki chaphrang ha kani ka Election wa daw wan. 

Ha kani ka sngi da e kti leh ya ka Certificate da u Addl. Deputy Commissioner, u J. Shylla cha waroh kiwa chimbynta ha kani ka Cycle Rally. 

Share this:
Previous

Ka District Committee wow rai pynlait ya ka poisa wa chah kem heipor Election

Next

Pynbna sa ka Synjuk Waheh Chnong East Jaiñtia ya ki kyndon yalap Election