Jowai: Ka Dorbar bah yong ka Kur Phawa Siangshai daw pynman ya ka ha ka chnong Wahiajer ha Madan Maya Club ha ka 16 tarik uni u bnai heiwa u Pastor NS Phawa daw man u kam u kongsan.
Ha kani ka Dorbar daw em ki Cultural Program waphær waphær wa ki klam ki kape kyrpang neibynta wow sneiñ kyntu ya ki khon ka kur waroh kiwa em ha kylleiñ ka ri-loom Khasi Jaiñtia kamjooh leh kiwa em ha Assam.
Neiliang ka Seiñ Kur hapoh i yahkhmat u President wa u Secretary, u Helping Phawa wa u Sannio Siangshai ryngkat wa kiwi kiwa kitkaam ka kur khamtam ka Wahiajer Unit da pynkhreh ki chaaid chaaid neibynta kani ka Dorbar Kur wa chisien chi snem.
Neiliang ka Seiñ Kur Phawa Siangshai Seiñbei wa kamjooh ka Seiñ Kur Wahiajer Unit da khut sñiawbha ko ya waroh ki dkhot ka kur Phawa Siangshai, ki kur Sin nadooh ki Muruh, ki Lyngdoh-Phawa, Iong Sna, ki Kanai, ki Papiah wa kiwi kiwi wow yawan khnang ki cha kani ka Dorbar Kur.
Discussion about this post